Queres comer de forma máis saudable, aforrar tempo na cociña e incorporar produto pesqueiro á túa dieta? Aprende cos mellores profesionais a organizar sesións de cociñado para toda a semana, receitas e técnicas sinxelas para cociñar produtos do mar sen perder sabor nin propiedades, claves para saber que especies conservan mellor na neveira ou no conxelador, e trucos para reducir o desperdicio alimentario.
| Lugar | Datas |
|---|---|
| Vilagarcía de Arousa | Luns 19 e martes 20 de outubro de 10:00 a 14:00 |
| Ribeira | Luns 19 e martes 20 de outubro de 17:00 a 21:00 |
| Laxe | Luns 19 e 26 de outubro de 9:30 a 13:30 |
| Carballo | Luns 19 e 26 de outubro de 16:30 a 20:30 |
| Redondela | PRAZAS ESGOTADAS |
| Outes | PRAZAS ESGOTADAS |
| Burela | PRAZAS ESGOTADAS |
| Sada | PRAZAS ESGOTADAS |
Os Grupos de Acción Local do Sector Pesqueiro colaboran cos establecementos de restauración dando apoio e asesoramento para a creación de menús saudables con produtos do mar.
Pesca Saúde é un proxecto de cooperación promovido polos Grupos de Acción Local do Sector Pesqueiro (GALP). Alíase coa Estratexia Galega de Saúde Comunitaria 2023-2027 no seu compromiso para o fortalecemento da saúde da poboación e conta co apoio da Dirección Xeral de Saúde Pública (Subdirección Xeral de Estilos de Vida Saudables) da Consellaría de Sanidade.
